بین الاقوامی برج خلیفہ 2028 میں دنیا کی بلند عمارت نہیں رہے گی، جدہ ٹاور کی تعمیر تیزی سے جاری adminJuly 30, 2021048 مشاهدات دنیا کی پہلی ایک کلومیٹر بلند عمارت، جدہ ٹاور کی تعمیر میں ایک اہم سنگ میل طے کرلیا گیا ہے اور اب تک اس کی 100 منزلیں مکمل ہوچکی ہیں۔ سعودی عرب میں زیرِ تعمیر اس فلک بوس عمارت کا کام کئی سال کے تعطل کے بعد 2025 میں دوبارہ شروع کیا گیا تھا، جس کی تازہ ترین تصاویر حال ہی میں جاری کی گئی ہیں۔ جدہ ٹاور کی مجموعی بلندی 3280 فٹ (ایک کلومیٹر سے زائد) ہوگی، جو اسے دبئی کے برج الخلیفہ سے بھی بلند بنا دے گی۔ اس منصوبے کو ڈیزائن کرنے والی کمپنی کے مطابق، عمارت کی تعمیر اگست 2028 تک مکمل ہونے کی توقع ہے اور اب تک مجموعی کام کا 50 فیصد سے زائد حصہ مکمل کیا جاچکا ہے۔ یہ عمارت ہوٹل، رہائشی اپارٹمنٹس، دفاتر اور دنیا کے بلند ترین آبزرویشن ڈیک پر مشتمل ہوگی۔ اس عظیم الشان ڈھانچے کے لیے ایک جدید لفٹ سسٹم تیار کیا گیا ہے جس میں 59 لفٹیں اور 12 برقی سیڑھیاں نصب کی جائیں گی۔ واضح رہے کہ 2013 میں شروع ہونے والا یہ منصوبہ مالیاتی مسائل اور وبا کے باعث 2018 سے رکا ہوا تھا، تاہم اب اس پر کام تیزی سے جاری ہے اور اس کی کل لاگت کا تخمینہ 1.2 سے 2.7 ارب ڈالرز کے درمیان لگایا گیا ہے۔