بین الاقوامی ایک معمولی لاپروہی یا مہلک زہر؟ بریانی کے بعد تربوز کھانے سے ایک ہی خاندان کی جانیں چلی گئیں adminJuly 30, 2021061 مشاهدات بھارت کے شہر ممبئی میں ایک دل دہلا دینے والا واقعہ پیش آیا جہاں ایک ہی خاندان کے چار افراد پراسرار طور پر زندگی کی بازی ہار گئے جبکہ ابتدائی طور پر شبہ ظاہر کیا جا رہا ہے کہ یہ اموات خوراک میں زہریلے اثرات کے باعث ہوئیں۔ ََِِ پولیس کے مطابق چالیس سالہ عبداللّٰہ عبدالقادر، ان کی پینتیس سالہ اہلیہ نسرین، سولہ سالہ بیٹی عائشہ اور تیرہ سالہ بیٹی زینب ہفتہ کی رات اہلِ خانہ کے ساتھ بریانی کھانے کے بعد گھر واپس آئے۔ بعد ازاں رات تقریباً ایک بجے انہوں نے تربوز کھایا، جس کے چند ہی گھنٹوں بعد سب کی طبیعت بگڑنا شروع ہوگئی۔ ََِِ اتوار کی صبح تقریباً پانچ بجے خاندان کے تمام افراد کو شدید الٹی اور دست کی شکایت ہوئی۔ ابتدا میں مقامی سطح پر علاج کیا گیاتاہم حالت بگڑنے پر انہیں جے جے اسپتال منتقل کیا گیا جہاں افسوسناک طور پر سب سے پہلے کمسن زینب دم توڑ گئیں۔ اس کے بعد والدہ نسرین اور بڑی بیٹی عائشہ بھی جانبر نہ ہو سکیں جبکہ والد عبداللّٰہ بھی رات گئے انتقال کر گئے۔ ََِِ ابتدائی معائنہ کرنے والے ڈاکٹر زید قریشی کے مطابق مریضوں کی حالت نہایت تشویشناک تھی اور انہیں شدید قے اور کمزوری کا سامنا تھا۔ اہلِ خانہ نے بتایا کہ انہوں نے رات میں تربوز کھایا تھا، جس کے بعد علامات ظاہر ہوئیں۔ ََِِ پولیس نے واقعے کو حادثاتی موت قرار دیتے ہوئے مقدمہ درج کر لیا ہے، جبکہ مزید تحقیقات جاری ہیں۔ آدھا کھایا ہوا تربوز تحویل میں لے کر تجربہ گاہ بھیج دیا گیا ہے تاکہ اس میں کسی ممکنہ زہریلے مادے، ملاوٹ یا بیکٹیریا کی موجودگی کا پتہ چلایا جا سکے۔ ََِِ حکام کے مطابق حتمی وجہ موت کا تعین تفصیلی طبی معائنے اور دیگر رپورٹس آنے کے بعد ہی ممکن ہوگا، تاہم یہ واقعہ خوراک کے انتخاب اور احتیاط کے حوالے سے ایک سنگین انتباہ بن کر سامنے آیا ہے۔