اسلام آباد اور خیبرپختونخوا میں زلزلے کے جھٹکے، شدت 5.7 ریکارڈ

اسلام آباد سمیت خیبرپختونخوا کے مختلف علاقوں میں زلزلے کے جھٹکے محسوس کیے گئے جس کے باعث شہریوں میں خوف و ہراس پھیل گیا اور لوگ گھروں سے باہر نکل آئے۔

زلزلے کے جھٹکے ملاکنڈ، بٹ خیلہ، صوابی، شانگلہ، سوات، مانسہرہ، بٹگرام، تورغر اور اپر دیر میں بھی محسوس کیے گئے۔

زلزلہ پیمامرکز پاکستان کے مطابق زلزلے کی شدت 5.7 ریکارڈ کی گئی جبکہ اس کی گہرائی 170 کلومیٹر تھی۔ ادارے کا کہنا ہے کہ زلزلے کا مرکز افغان-تاجکستان سرحدی علاقہ میں واقع تھا۔